Skidag
Kva er vel betre enn ein tur på fjellet, skitur på sletta( med kvikk-lunsj), eller ei appelsin i trekket? Nok ein gong var det duka for nettopp det då Kongshaug hadde skidag.
Oppdatert:
(17.3.2011)
Tradisjon tru, drog kongshaug til kvamskogen for å utfolde seg i det snødekte landskapet. Dette er dagen då eins styrkjer og svakheiter vert blottlagt for ein kvar. Heldigvis er det mange i same båt, om det er hurtigbåten, eller i ei jolle. Det er her ein oppdagar at det er eit stykke opp til Northug, Marit Bjørgen og Aksel Lund Svindal. Men idrettsgleda er den same, sjølv om ein får blodsmak etter dei første 2 kilometrane på dei lånte langrennsskia, eller på vegen opp T-trekket. No skal det riktig nok seiast at dei fleste greier seg betre enn inntrykket som er malt for dykk her. Kongshaug er heldige med stor variasjon og bør reknast som breddeidrett i praksis, absolutt til etterfølgelse.
Skriv ut artikkelen