...Fest hos mange...
Kven av elevane på Kongshaug Musikkgymnas kan lage den beste festen? Kven er mest kreative? Kven klarer å ta oss med på den beste kulinariske reisa? Kven speler den kulaste musikken? Kven steller istand det mest geniale gilde slik at dei vinn konkurransen «FEST HOS MANGE» ?!
Ved
Ingrid Kinne Solsvik
Oppdatert:
(09.1.2012)
Fredagane framover er det elevane sjølv som står for vekesluttunderhaldninga her på haugen. Oppdraget er å lage det mest likane kalaset. Her er det berre kreativiteten som set ein stoppar.
Med 100 kr og ei gjesteliste på 90 stykk som «hjelpemiddel» er resten opp til vertane. Det er ulike vertar kvar veke.
Fyrst ut var Svingen. Dei hadde noko som kunne dekkje kvart eit behov. Discokula var på plass, dansegolvet var fult, sofakroken hadde mjuke puter perfekt plassert for popkornglad ungdom, pinnebrød&marshmallow-hola vart ei gladleg overasking for alle bålentusiastar og nede i kjellaren var det ein spelekrok der musikken hadde eit meir behageleg nivå. Og det stoppar ikkje her. Dei hadde til og med omgjort eine hjørne av stova til scene der det vart framført impulsive svisker. Marie Tindstad holdt ein mini-konsert med ein ny og gamal låt.
Det var ein heilt herlig kveld!
Flott ungdom!
Helsing oss i NLM.
Skriv ut artikkelen