INNTAKSREGLEMENT FOR KONGSHAUG MUSIKKGYMNAS
Alle søknader om elevplass på Kongshaug Musikkgymnas vert avgjort i hht. dette reglementet. Reglane er utarbeidd spesielt for Kongshaug Musikkgymnas med heimel i skulen sin rett til å laga sitt eige inntaksreglement jfr. Privatskulelova (PSL) §3-1, 3.ledd. Hovudprinsippa samsvarer med reglane i Rundskriv U-dir-5-2010.
Generelt
§ 1 Skulen har heile landet som inntaksområde (jfr. PSL §3-1) og søknad skal sendast på skulen sitt søknadsskjema direkte til skulen. Søknadsfrist er 1. mars. Søknader om inntak på særskilt grunnlag, må sendast heimfylket med kopi til Kongshaug musikkgymnas. For desse søknadene er fristen 1. februar. Ein elev som vert teken inn på Kongshaug Musikkgymnas brukar av retten sin til vidaregåande opplæring(jfr.PSL§3-2)
Vidaregåande kurs 1 (Vg1)
§ 2 Ved inntak til Vg1 vert karakterar frå grunnskulen lagt til grunn. Avslutta fag frå 8. og 9. klasse og summen av karakterane for 1. termin i fag som vert avslutta i 10. klasse, vert lagt saman.
Følgjande fag vert medrekna;
1. RLE 6. Engelsk, skr. 11. Kunst og handverk
2. Norsk hovudmål, skr. 7. Engelsk munnleg 12. Kroppsøving
3. Norsk sidemål, skr. 8. Samfunnsfag 13. Mat og helse
4. Norsk munnleg 9. Naturfag 14. Spa/Ty/Fr eller
5. Matematikk 10. Musikk Eng/No fordjuping
Summen av talkarakterane i desse faga, vert lagt saman, delt på talet oppnådde karakterar og deretter gonga med 10.
§ 3 Inntil halvparten av elevplassane på Vg1 kan verta tildelte elevar etter musikalsk dugleik (demo) eller fordeling på instrument og/eller kjønn. Elevar som kan dokumentera leiaroppgåver innan song og musikk i kristent arbeid, kan prioriterast inn på denne kvoten. Det kan også misjonærbarn.
§ 4 Rekkefølgja for prioriteringa er som følgjer; Karakterar, instrumentfordeling (eks. band/ stryk/blås), demo, leideroppgåver, misjonærbarn og kjønn ved skeivare enn 70/30.
Vidaregåande kurs 2 og 3 (Vg2 og Vg3)
§ 5 Ved inntak til Vg2 og Vg3 vert karakterutskrift for relevant Vg1/ Vg2 lagt til grunn. For søkjarar som er i gang med slikt kurs, tel terminkarakterane frå 1. termin.
§ 6 Elever som går på Kongshaug, har automatisk rett til ein skuleplass i Vg 2 eller Vg 3 dersom dei har oppnådd beståtte karakterar i alle fag.
Klageadgang
§ 7 Avgjersle om inntak er enkeltvedtak etter Forvaltningslova §2, og departementet ved Fylkesmannen i Hordaland er klageinstans, Jfr. PSL § 3-1, 6. ledd og Forvaltningslova kap. VI. Skriftleg klage må sendast via skulen.
Revidert og godkjent i styret for Kongshaug 16.03.2011